Əsas səhifə Xəbərlər Xarici biznes xəbərləri “Amazon”, “Amazon Restaurants” qida çatdırılması layihəsini bağlayır

“Amazon”, “Amazon Restaurants” qida çatdırılması layihəsini bağlayır

26
Amazon
Amazon

Xidmət Londonda artıq bağlanıb və indi də ABŞ-da bağlanır.

GeekWire yazır ki, “Amazon”, ABŞ-da “Amazon Restaurants” qida çatdırılması xidmətini 24 iyun 2019-cu il tarixindən bağlı elan edəcək.

“Amazon Restaurants” 2015-ci ildə Sietldə fəaliyyətə başlayıb. 2019-cu ilə xidmət artıq ABŞ-ın 20 şəhərində, həmçinin Londonda işləyirdi. Lakin 2018-ci ilin noyabrında “Restaurants” Böyük Britaniyada bağlandı, ABŞ-da bağlanması isə bütün xidmətin dayandırılması deməkdir, Verge açıqlama verib.

“Restaurants”-dan başqa, şirkət, 2016-cı ilin iyunundan fəaliyyət göstərən “Daily Dish” ofislərinə nahar daşınması xidmətini də bağlayır.

“Amazon”-da bildiriblər ki, “Restaurants” əməkdaşlarının bir hissəsi şirkətin digər bölmələrinə keçiriləcək, başqalarına isə iş axtarmaqda köməklik göstəriləcək.

Hal-hazırda ABŞ-da qida çatdırılması bazarına üç xidmət liderlik edir: “Uber”, “Grubhub” və “DoorDash”, onlar birlikdə bazarın 75%-dən çoxunu tuturlar, GeekWire yazır. “Amazon” üçüncü tərəf layihələrinə yatırım edib: 2019-cu ilin mayında şirkət “Deliveroo” ərzaq çatdırılması xidmətinin 575 milyon dollarlıq raunduna başçılıq edib.

Rəy bildir

Please enter your comment!
Please enter your name here