Amerikan poçtu pilotsuz yük avtomobilləri vasitəsilə göndərişlərin çatdırılmsının ilk sınaq mərhələsinə başlayıb. Testlər Finiks ( Arizona ştatı ) şəhəri ilə Dallas ( Texas ştatı ) arasında 1000 kilometrdən də uzun bir məsafə qət etməklə keçiriləcək və 2 həftə davam edəcək. Yük maşınlarını layihə üçün “TuSimple” startapı təqdim edib.
“TuSimple” rəhbərliyinə istinadən The Wall Street Journal qəzetinin verdiyi açıqlamaya görə, sınaqların uğurla başa çatacağı halda, pilotsuz yük avtomobillərinin istifadəsi çatdırılma dairələri arasında poçt göndərişlərinə olan xərcləri azaldacaq. Hal-hazırki marşrut xəttində hər yük maşınında 2 lisenziyalı sürücü işləyir və onları iş saatı qanunla məhdudlaşdırılıb.
Qəzetdə əlavə edilib ki, bu yolla ABŞ poçt xidməti, təkcə, artıq uzun illərdir davam edən məktub və göndərişlərin say azlığından, həmçinin yanacaq xərclərindən gələn zərərin əvəzini ödəməyə deyil, həm də yollarda təhlükəsizliyin artmasının təmin olunacağına ümid edir. “TuSimple” yük maşınlarında olan kameralar, digər sürücülərin və piyadaların davranışını izləyərək avtomobilin önündən yarım km.-dən uzaqdakı vəziyyəti qaydaya salır. Eyni zamanda, pilotsuzun kabinasında canlı insanın olması planlaşdırılır və ona da avtonom sistem öz məlumatlarını ötürəcək. Avtopilot sürətli yollarda sürücü tərəfindən aktivləşdiriləcək.
“TuSimple” şirkəti, ABŞ yollarında pilotsuz yük maşınlarının hərəkət etməsi texnologiyasının inkişafında iştirak edən startaplardan biridir. O, amerikan və avropa avtomobil istehsalçıları ilə əməkdaşlıq edir.