Epic Games şirkəti Fortnite oyunu üzrə ilk çempionatını keçirib. Onun mükafat fondu 30 milyon dollar təşkil edir – bu ABŞ-ın kiberidman müsabiqələri tarixində ən böyük mükafat göstəricisidir. Bu barədə TechCrunch xəbər verir.
Yarış dörd kateqoriyada keçirilib: tək, iki nəfərlik komanda, “ProAM” və Creative.
Ən çox qazanan, solo-turnir iştirakçısı, ABŞ-dan olan 16 yaşlı yeniyetmə Kyle Giersdorf olub. Kyle Bugha ləqəbi ilə də tanınır. O, 3 milyon dollar qazanıb. Giersdorf Los-Angelesdən olan Sentinels komandasının adından çıxış edib. Yeniyetmə əldə etdiyi pula iki stol alacağını deyib: biri oyun , biri də kubok üçün. Qalanını isə ehtiyat üçün saxlamaq fikrindədir.