Alphabet holdinqə məxsus Wing şirkəti məhsulların dronlar vasitəsilə çatdırılmasına başlayıb. Xidmət hələ ki, Virciniya ştatının kiçik bir şəhərində işləyir. Lakin bu pilot layihəsinin uğurlu olacağı təqdirdə şirkət onu bütün ölkə üzrə işlək vəziyyətə gətirəcək.
Ümumi əhali sayı 22 500 olan həmin şəhərin sakinləri ərzaq, şirniyyat və reseptsiz dərmanlar sifariş edə biləcəklər – bütövlükdə təxminən 100 adda məhsul çatdırılması mümkündür. Bundan başqa, dronlar yerli FedEx bölməsindən kiçik bağlamalar da daşıyırlar.
Sifariş üçün xüsusi tətbiqdən istifadə kifayətdir. Şirkət söz verir ki, məhsul on dəqiqə ərzində çatdırılacaq.
Wing dronları vertikal uçuş və eniş imkanı ilə 14 rotorlu pilotsuz aparata (maşının, motorun fırlanan hissəsi) malikdirlər. Onlar 1,5 kq. yüklə saatda 100 km. sürət götürə və 5,6 km məsafəyə kimi uça bilirlər.