Əsas səhifə Biznes Abdurrahman Kaan: “Güclü dövlət xadimlərinin yanında güclü iş adamları olacağıq”

Abdurrahman Kaan: “Güclü dövlət xadimlərinin yanında güclü iş adamları olacağıq”

552
Paylaş

“Türkiyənin Müstəqil Sənayeçi və İş Adamları Dərnəyi (MÜSİAD) qarşısına qoyduğu məqsədlərə çatır. Biz Azərbaycan və Türkiyə iş adamları olaraq, dünya bazarlarına sərbəst çıxa bilirik. Düşünürəm ki, güclü dövlət xadimlərinin yanında güclü iş adamları olacağıq. Bu gün iki qardaş ölkənin iş adamları birgə layihələr həyata keçirir, sərmayələr yatırır, dünya bazırında ticarət aparır. Bu, bizim uğurumuzdur”.

AZƏRTAC xəbər verir ki, bu sözləri MÜSİAD-ın prezidenti Abdurrahman Kaan dərnəyin Gürcüstan şöbəsinin açılışında söyləyib.

O deyib ki, bu şöbə Azərbaycan, Türkiyə və Gürcüstan iş adamlarının möhkən birliyini yaradacaq, hər üç ölkənin iqtisadi inkişafına, dünya bazarlarına sərbəst çıxışına köməklik göstərəcək. Cənubi Qafqazda iqtisadiyyatın inkişafına, investisiya imkanlarının artırılmasına və ticarət dövriyyəsinin genişlənməsinə zəmin yaradacaq.

MÜSİAD-in Azərbaycanda görəcəyi işlərə toxunan A.Kaan deyib: “Azərbaycan Prezidenti İlham Əliyev ölkədə turizm və kənd təsərrüfatının inkişafı, yerli istehsalın artırılması ilə bağlı iş adamları qarşısında konkret tapşırıqlar qoyub. Biz də qardaş ölkənin iqtisadi inkişafı, turizm potensialının artırılması və dünya bazarına maneəsiz çıxışına yardım etmək, eləcə də Azərbaycan iqtisadiyyatına xarici investorları cəlb etmək üçün əlimizdən gələni edirik və bundan sonra da edəcəyik”.

Qeyd edək ki, MÜSİAD-ın dünyanın 73 ölkəsində 196 şöbəsi fəaliyyət göstərir.