Çinin “Koobee” şirkəti 80 meqapiksel təsvir ölçülü kameraya malik ilk smartfonu təqdim edib. İstehsalçılar təsvir ölçüsünün ciddi artımına yeni proqram təminatı sayəsində nail olublar.
AZƏRTAC xəbər verir ki, yeni qacet 2K ekran, 4 Qb əməli yaddaş və 64 bitlik 8 nüvəli prosessorla təchiz olunub. Smartfonun qiyməti 270 dollardır.
Qeyd edək ki, bundan əvvəl telefon kamerasının ən yüksək təsvir ölçüsü 41 meqapikselə çatırdı.