Google şirkəti Pixel 4 smartfonlarının ilk öncədən sifarişlərini qutularda quru səhər yeməkləri ilə birgə göndərib. Bu barədə Twitter-də alıcılardan biri xəbər verib.
Qutuların dizaynında şirkətin korporativ rənglərindən istifadə olunub. Üzərindəki yazılar isə smartfonun özəlliklərinə diqqəti çəkir: kamera, jestlərlə idarəetmə və Google Assistant.
Pixel 4-ü öncədən sifariş edən alıcılar əlavə olaraq orijinal keyfiyyətdə şəkillər üçün müvəqqəti limitsiz bulud saxlancı əldə edəcəklər.
Pixel 4 smartfonu bu ilin 15 oktyabrında rəsmi olaraq təqdim edilib. Təqdimatda Google jurnalistlərə Pixel 4-ün sınaq nümunələrini paylayıb və smartfonun üslubuna uyğun dizayn edilmiş həmin eksperimental qutuların içində smartfondan başqa Domino’s pizzaları da olub.