Prezident İlham Əliyev Argentina şirkətlərini Azərbaycanda fəaliyyətə dəvət edib. Bu barədə dövlət başçısının saytında məlumat verilir.
“Prezident İlham Əliyev Argentinanın yeni təyin olunmuş səfiri Serxio Osvaldo Perez Qunella ilə görüşdə xarici şirkətlərin fəaliyyəti üçün çox əlverişli şəraitin mövcudluğunu qeyd edib. O, Argentina şirkətlərinin də Azərbaycanda işləyəcəklərinə ümidvar olduğunu bildirdi”, – məlumatda qeyd olunur.
Görüşdə prezident və səfir energetika, biznes, kənd təsərrüfatı sahələrində əməkdaşlığın perspektivləri ətrafında fikir mübadiləsi apardılar. **