“Apple” korporasiyası “iTunes”dən imtina etmək fikrindəndir

“Apple” korporasiyası “iTunes” xidmətindən imtina etməyi planlaşdırır. Bu haqda “iOS” tərtibatçısı Stiv Trout Smitə istinadən “Ferra” portalı məlumat yayıb.
 
Onun sözlərinə görə, sözügedən xidmət istifadəçilər üçün əlverişsiz olub, çünki olduqca müxtəlif məzmundan ibarətdir ki, bu da xidmətdən istifadəni çətinləşdirir. Bundan başqa, onun sözlərinə görə, “Apple TV+” xidmətinin elanı da “iTunes”dən imtina edilməsinə səbəb ola bilər. Şirkət bütün film və şouları “Apple TV” üçün proqrama daşımaq, başqa məzmun kateqoriyaları üçün ayrı-ayrı proqramlar hazırlamaq niyyətindədir.