Berkshire Hathaway investisiya fondunun 89 yaşlı rəhbəri Warren Buffett də məlum koronavirus səbəbindən evdən işləməyə başlayıb. O, pandemiyaya görə həyatının necə dəyişməsindən danışıb.
Bir həftə əvvəl milyarder, planlaşdırdığı işgüzar səfərini təxirə salmayacağını və distant rejimə keçməyəcəyini desə də, artıq bu fikrindən daşınıb.
“Həyatımda çox az şey dəyişib. Mən də bütün ofis işçilərim kimi evdən işləyə bilərəm və indi həmişəkindən bir qədər artıq Coca-Cola içirəm” – Buffett, distant işə keçməsi ilə bağlı sualı cavablandırarkən deyib.
Ona səhhəti ilə bağlı sual veriləndə isə həkiminin fikrini əminliklə təsdiqləyərək bildirib ki, həqiqətən də özünü bi neçə il əvvəlkindən daha yaxşı hiss edir.