Əsas səhifə Xəbərlər Ümumi iqtisadi xəbərlər 58 “fintech”in dəyəri 213 milyard dolları keçib

58 “fintech”in dəyəri 213 milyard dolları keçib

96
Paylaş

Maliyyə texnologiyalar sahəsində sərmayələr sürətlə davam edərkən, dünyada 58 “unicorn” “fintech”in cəmi bazar dəyəri 213.5 milyard dollara çatıb.

“Bizplus.az” xəbər verir ki, “CB Insights”in “Global Fintech Report Q3 2019” hesabatına görə, 2019-cu ilin üçüncü rübündə 6 “fintech” şirkətinin də dəyəri 1 milyard dollar səviyyəsini aşıb və “unicorn” adını alıb (dəyəri 1 milyard dolları keçən “fintech”ə “unicorn” deyilir ).

Ölkələr üzrə baxıldıqda 58 “unicorn”un 33-ü ABŞ, 7-si İngiltərə, 5-i Çin, 3-ü Hindistan, 3-ü Braziliya, 2-si Almaniya, 2-si Avstraliya, 1-i İsveç, 1-i Cənubi Koreya və 1-i Yaponiya şirkətidir.

ƏN QİYMƏTLİ “UNICORN” 39.4 MİLYARD DOLLAR İLƏ LU.COM-DUR

Bazar dəyəri ən yüksək “unicorn” isə 39.4 milyard dollarlıq bazar qiyməti olan Çinin “fintech” şirkəti LU.com-dur. Çinli nəhəngin ardınca 35.3 milyard dollarlıq bazar dəyəri ilə ABŞ-lı “Stripe” və 10 milyard dollarlıq bazar dəyəri ilə Hindistanlı “Paytm” gəlir. 2019-cu ilin ilk 9 ayında qlobal “fintech” sərmayələri 24.6 milyard dollara çatıb. Bu rəqəm 2017-ci ilin cəmindən daha çoxdur.