“Əşyalar interneti” üçün şəbəkələr quran dünya mobil operatorlarının sayı 102-yə çatıb

Date:

Paylaş:

Martda “NB-IoT” (narrowband IoT) və ya “LTE-M” texnologiyaları əsasında şəbəkələr quran dünya mobil operatorlarının sayı 102-yə çatıb. Bu barədə Beynəlxalq Mobil Həll Tədarükçüləri Assosiasiyasının (Global mobile Suppliers Association – GSA) məlumatında deyilir.  

 “NB-IoT” və ya “LTE-M” ümumilikdə 52 ölkədə fəaliyyət göstərir, 19 ölkədə isə 20 operator tərəfindən hər iki texnologiyadan istifadə edilir.

“NB-IoT” “Əşyalar interneti”nin inkişafı üçün rəqabətli həllərlə müqayisədə enerji səmərəliliyi ilə fərqlənən və qısa məlumatları yüksək sürətlə ötürmək qabiliyyətinə malik əsas rabitə standartıdır. “NB-IoT” standartına keçmək üçün operatorların infrastrukturu yenidən qurmasına ehtiyac yoxdur. Belə ki, baza stansiyalarının lazımi əhatə dairəsini təmin edəcək proqram təminatını yeniləmək yetərlidir.

“LTE-M” texnologiyası “NB-IoT” standartının alternatividir. Hər iki standart uzaq təsir radiuslu enerji səmərəliliyinə malik şəbəkə (Low-power Wide-area Network – LPWAN) texnologiyası əsasında işləyir.

Assosiasiyanın hesabatına görə, martın sonunda 69 ölkənin 149 operatoru tərəfindən “NB-IoT” və “LTE-M” standartlarına və ya bu şəbəkə texnologiyalarından birinə investisiya yatırılıb. Bundan başqa, 50 dövlətin 88 operatoru tərəfindən “NB-IoT” əsasında şəbəkələr istifadəyə verilib, 24 ölkənin 34 şirkəti isə “LTE-M” standartından istifadə etməklə şəbəkələr qurub.

Oxşar yazılar

5 günə biznes qurmaq… – MÜSAHİBƏ

"İş Qurdu" layihəsinin növbəti qonağı "Ninja Kids Club"un təsisçisi Həvva xanım olub. https://www.youtube.com/watch?v=YxRFfsHEV-A&ab_channel=Maffinagency

“Evimi satıb işçilərin maaşını verdim” – MÜSAHİBƏ

"İş qurdu" komandası olaraq Şəki sakini "Qinyatogulları" arıçılıq təsərrüfatının sahibi Lətif Qinyətoğlunun qonağı olduq. Lətif bəy bizə arıçılıq biznesini...

Naxçıvanda yeni qeydiyyata alınmış hüquqi şəxslərin sayı 36 dəfə artıb

Bu ilin yanvar-mart aylarında Naxçıvan MR-da 1 441 yeni vergi ödəyicisi qeydiyyata alınıb. Bu barədə İqtisadiyyat Nazirliyi yanında Dövlət...

Azərbaycanda bu il mehmanxanalar 86.6 faiz istifadəsiz qalıb

2023-cü ilin yanvar-mart aylarında mehmanxana (hotel) və mehmanxana tipli obyektlərdə keçirilmiş gecələmələrin sayı 2022-ci ilin eyni dövrü ilə...