Oxfam xeyriyyə təşkilatının keçirdiyi araşdırmaya görə, son on il ərzində dünyada milyarderlərin sayı demək olar ki, ikiqat artıb və 2,208 nəfərə çatıb. Hər il onların ümumi sərvəti 900 milyard dollar artır.
Yoxsulların gəlirləri isə get-gedə daha da azalmağa doğru gedir, belə ki, ötən il ərzində 3,8 milyard yoxsulun gəlirləri 11% azalmışdır. Onlar orta hesabla gündə 5,5 dollara yaşayırlar. Beləliklə, ümumilikdə 3,8 milyard yoxsul insanın ümumi gəliri, dünyanın ən varlı 26 şəxsin sərvətinə bərabərdir.
“İnsanlar qəzəblidirlər, hökumətlər real dəyişiklərə nail olmalıdırlar. Korporasiyalar və varlı insanlar öz vergi paylarını vaxtında ödəməli, səhiyyə və təhsil kimi sahələrə sərmayə qoymalıdırlar. Hökumətlər yalnız müəyyən imtiyazlara malik olan insanlar üçün deyil, hər kəs üçün parlaq bir gələcək qura bilərlər”, – deyə Oxfam xeyriyyə təşkilatının icraçı direktoru Vinni Bianiyma bildirib.