Bugatti şirkətinin ilk yaradıcısı Ettore Bugatti idi və o şirkəti 1909-cu ildə təsis etmişdi. Ettore hələ uşaq ikən yüksək sürətlə maraqlanırdı və bu da onun həyatını avtomobillərlə bağladı. 1908-ci ildə mühəndis kifayət qədər uğurlu Type 10 modelini yaratdı. Bundan dərhal sonra o öz adı ilə adlandırdığı avtomobil istehsal edən şirkətini yaratdı. Və beləliklə bir əfsanə başladı…
1898-ci ildə Ettore öz ilk avtomobilini yaratmış və onu Type 1 adlandırmışdı. Bunun ardınca Type 2 də yaradıldı. Avtomobil elə qeyri-adi formada yaradılmışdı ki, 1901-ci ildə Milanda sənaye sərgisində mükafatlara layiq görülmüşdü.
Bu markanın tarixində ən parlaq hissə keçən yüzilliyin 30-cu illərinə təsadüf edir. 1924-cü ildə Type 35 GP yarışı avtomobili yaradıldı. Bu model yarışlarda 1800 qələbəyə nail oldu və ən sürətli avtomobil kimi məşhurlaşdı. 1927-ci ildə öz dövrü üçün ən dəbdəbəli və prestijli avtomobil hesab edilən Type 41 Royale modeli yaradıldı.
1999-cu ildə Bugatti ticarət nişanı Volkswagen avtomobil istehsalçı şirkəti tərəfindən əldə edildi. Bu iki istehsalçı tərəfindən ilk birgə yaradılan avtomobili italyan dizayner Fabrisio Giugiaro tərəfindən hazırlanmışdı.
2005-ci ildə Volkswagen Veyron 16.4 adı altında unikal texniki xüsusiyyətlərə malik yeni avtomobillərin istehsalına başladı. Bu model öz adını 1939-cu ildə Le-Manda keçirilən 24 saatlıq yarışın qalibi Pyer Veyrona borcludur.
Veyron 16.4 ictimai yollarda sürülməsinə icazə verilən dünyanın ən bahalı, ən sürətli avtomobilidir. Ehra-Lessien trassında rəsmi təcrübələr zamanı Veyron-un maksimal sürəti 407km/saat təşkil edirdi. Bu nailiyyət onu dünyanın ən sürətli avtomobili etməklə yanaşı, həm də onu dünyanın ən dinamik avtomobili edir.