Texnologiya nə qədər inkişaf etsə də əllə qeydlər aparmaq hələ də aktualdır. Bunun əsas səbəbi əllə yazmağın daha sürətli və hər zaman əlçatan olmasıdır. Ancaq texnologiya bu sahədə də öz sözünü deməyə çalışır.
BrillBrill adlı startap həm əlyazma qeydlərini, həm də səsli qeydləri rəqəmsallaşdırır və bunu saniyələr ərzində edir. Qeyd edək ki, Brill yalnız iOS cihazları üçün əlçatandır. Tətbiqi cihazınıza App Store vasitəsilə yüklədikdən sonra Brill-dən istifadə üçün heç bir qeydiyyat tələb olunmur, yüklədiyiniz andan istifadə etməyə başlaya bilərsiniz.
Sadə bir dizayna sahib olan Brill-də yazılı qeydləri rəqəmsal hala gətirmək istəyirsinizsə, ana səhifədəki “Brill Basics” qovluğuna daxil olmalısınız, ardınca: mətn, səs və kamera. Bir qeydin şəklini çəkmək istəyirsinizsə, mikrofonu vurmalı və tətbiqə icazələr verməlisiniz. Hərf işarəsindən istifadə edərək öz qeydlərinizi də yaza bilərsiniz. Sonra bütün qeydlər göstərdiyiniz qovluqda saxlanılır.
Brilldən pulsuz istifadə edirsinizsə ayda 50 qeyd və cəmi 2 qovluq yaratmaq hüququnuz var. Həftədə 1.99 dollar ödəsəniz, tətbiqin bütün xüsusiyyətlərini limitsiz istifadə edə bilərsiniz.