Bu dünyaca məşhur modelin üzünü yalnız öz sahəsinin peşəkarları görüblər. Hər kəs onun əllərini görüb, əlllərini bəyənib.
Nina Teylor dünyanın ən məşhur brendləri ilə işləmiş əl modelidir. 20 ildən artıq təcrübəsi olan bu xanımı əl modellərinin Keyt Mossu adlandırırlar. Bu dövrdə o Haydi Klum, Cenifer Lourens, Skarlet Yohanson kimi məşhur Hollivud aktrisaları ilə işləyib. Deyə bilərsiniz necə? Müxtəlif filmlərin müxtəlif kadrlarlarında onun gözəl əlləri gözəl simalı xanımların çirkin əllərini əvəz edib.
Nina deyir ki, əl modelliyi ilə məşğul olmaq çox faydalı biznesdir. Belə ki eyni gündə paralel olaraq bir neçə firma ilə işləmək olar və heç kim buna etiraz etməz. Bir gündə 2-3 çəkilişdə iştirak edən Nina gün içində 5000 dollar qazana bilir. Əl modelinin əlləri düzgün, qırışsız, zərif, ləkəsiz barmaqları uzun olmalıdır. Donqar, əyri barmaqlar bu sahədə işə yaramır.
