Bir çoxlarımız marketinq dünyasında influencer-lərin nə qədər qazandıqlarını bilmək istəyirik.
Bu mövzuda sektorda ödənişlərin qurulması ilə bağlı, təəssüf ki, yazılı qaydalar yoxdur. Sosial şəbəkənin növü, qarşılıqlı təsiri, izlənilmə sayı və fenomenin nə qədər sevilib, məşhur olduğu bu ödənişə təsir edir. Sosial mediada bu istiqamətdəki kampaniya ödənişləri isə bir neçə yüz dollardan başlayıb, milyon dollara qədər arta bilir.
Çox sevilən sosial media şəbəkələri: Instagram, Snapchat və YouTube-fenomenlər kampaniyalarından ortalama əldə edilən gəlirləri təqdim edirik.
Instagram: 100 min izləyicisi olan 1000 dollar
Instagram-da 100 min təqibçisi olan bir fenomenin bir reklam paylaşımı üçün ödənişi ortalama 1000 dollardır. Müştərinin büdcəsi, kampaniyanın uzunluğu və qarşılıqlı nisbəti kimi faktorların da daxil ediməsi ilə qiymət artıb, azala bilir. Təbii ki, müştəri ilə fenomenin ələqəsini bir agentlik təmin edirsə, ödənişin miqdarında daha da artım ola bilir.
Əgər Instagram-da ilk dəfə bir kampaniya etməyə hazırlaşırsınızsa, təqibçisi 50 mindən az olan bir Instagram hesabı üçün hər bir məzmuna 250 dollar verərək başlanılması təklif edilir. Digər tərəfdən Hollywood məşhurlarının Instagram-dakı bir məzmununun 250 min dollar olduğu istiqamətində məlumatlar də var.
Snapchat: 24 saatlıq bir kampaniya 500 dollardan başlayır
Snapchat-da hədəf kütlənin böyüklüyünü bilmək mümkün olmadığı üçün, sosial medianın məşhurları Snapchat üçün bağladıqları müqavilələrdə aktiv izlənilməni əsas götürür. Sosial şəbəkənin hədəf kütlə ilə daha intensiv bir qarşılığı olduğu üçün ödənişlər də digər şəbəkələrə görə bir az daha yüksəkdir.
35 Snapchat fenomeni ilə aparılan danışıqların nəticəsinə görə, 24 saat üçün aldıqları ödəniş belədir:
1.000-5.000 izlənilmə üçün 500 dollar
5.000-10.000 izlənilmə üçün 1,000-3,000 dollar
10.000-20.000 izlənilmə üçün 3.000-5.000 dollar
30.000-50.000 i izlənilmə üçün 5.000-10.000 dollar
50.000-100.000 izlənilmə üçün 10.000-30.000 dollar
YouTube: Hər 100 min izləmə üçün 2 min dollar
YouTube fenomenlerinin kampaniya ödənişləri Instagram və Snapchat-a görə bir az fərqlidir. Səbəbi isə YouTube-da paylaşımların daha spesifik hədəf kütlələrə çatmasını təmin etmək və videolu məzmunların hazırlanmasının digər məzmun növlərinə görə daha çox əmək tələb etməsidir.
Belə ki, 1 milyon üzvü olan bir YouTube fenomeni kampaniyası üçün 25- 50 min dollar arası bir ödəniş ala bilir. Təbii, bunlar YouTube üçün sektorda yazılı olmayan ümumi qaydalar olaraq bilinir. Ancaq 50.000 çox izləyicisi olan bir hesab, hər bir artımda 100.000 min təqibçi üçün 2.000 dollar daha çox gəlir əldə edir.
Belə nəticəyə gəlmək olar ki, bununla bağlı sektorda konkret ümumi qaydalar yoxdur. Ona görə də belə hesab edilir ki, fenomenin populyarlığı, məzmunun tərkibində məhsuldan bəhs edəcəyi müddət, kampaniyanın uzunluğu və izləyici sayı kimi bir çox parametr qiymətlərdə müəyyən rol oynayır.
Məsələn, 2013 illik gəliri 7,5 milyon dollar olan PewDiePie ötən ilin sonunda izləyici sayını 50 milyon adama çatdırıb.