“Sonera Holding” “Turkcell”dəki payının bir hissəsini satdı

Date:

Paylaş:

“Sonera Holding BV”, “Turkcell İletişim Hizmetleri AŞ”dəkı 155 milyon ədəd payının satışını həyata keçirdiyini bildirib.

“Sonera Holding BV”in Türkiyədəki vəkili Ayşe Hergüner Bilgen tərəfindən İctimaiyyəti Məlumatlandırma Platformasına (KAP) göndərilən açıqlamada, “Sonera Holding BV”nin “Turkcell İletişim Hizmetleri AŞ”dəkı (Turkcell) 155 milyon ədəd payının satış əməliyyatının bir səhm 11,45 TL qiymət ilə həyata keçirildiyi bildirilib.

Beləliklə, ümumi rəqəm 1 milyard 774 milyon TL olub.

Açıqlamada, həmin payların satışından sonra “Sonera Holding BV”-nin, “Turkcell İletişim Hizmetleri AŞ”dəkı birbaşa payının 7,04%-ə düşdüyü məlumatı verilib.

 KEÇƏN HƏFTƏ BİLDİRMİŞDİ

“Telia Sonera”, ötən həftə açıqlama verərək, “Turkcell”dəki səhmlərinin  6.8%-ini satacağını bildirmişdi.

Açıqlamada, “Turkcell-dəki səhmlərimizin bir qismini satmaq niyyətimiz, Skandinaviya, Şimali Avropa və Baltikyanı ölkələrdəki fəaliyyətlərimizə fokuslanma strategiyamız ilə uyğun bir qərardır. Telia, sözügedən satışdan sonra da, “Turkcell”in  səhmdar olmağa və “Turkcell”i dəstəkləməyə davam edəcəkdir. “Turkcell”də, “Turkcell Holding A.Ş.” vasitəsilə tutduğumuz dolayı səhmlərin satışı ilə bağlı bir niyyətimiz bu an üçün mövcud deyil” deyilmişdi.

Turkcell, əslində baş şirkət olan “Turkcell Holding” üzərindən idarə olunur. “Turkcell Holding” isə GSM operatoru olan “Turkcell”in  51%-ini əlində saxlayır. Bu səbəblə “Telia Sonera” və “Çukurova” kimi səhmdarlar əslində “Turkcell Holding”dəki dolayı payları ilə “Turkcell”i idarə edirlər.

“Telia Sonera”nın satdığı səhmlər “Turkcell”in investorlara açıq hissəsində olan pay ilə bağlıdır. “Turkcell”in 48.95 faiz hissəsi xalqa açıqdır və bu səhmlərin bir hissəsi də şirkəti idarə edən əsas tərəfdaşların əlindədir.

“TURKCELL”İN SƏHMDARLARI

Turkcell Holding A.Ş.   51,00%

Çukurova Holding A.Ş.  0,05%

Diğər (Xalqa açıq)  48,95%

“TURKCELL HOLDİNG”İN SƏHMDARLARI

Çukurova Telecom Holdings  52,91%

Telia Sonera Finland Oyj  47,09%

Yuxarıdakı nisbətlərindən də göründüyü kimi “Turkcell İletişim”ə “Turkcell Holding” nəzarət etsə də, “Turkcell Holding”i idarə edən əsas şirkət “Çukurova Telecom”dur. “Çukurova Telecom”da isə “Çukurova Holdinq” 51 faiz nəzarət hüququna malikdir. Rusiyalı ortaq “Alfa”nın payı isə 49 faizdir.

“ÇUKUROVA TELECOM HOLDİNGS”İN SƏHMDARLARI

“Çukurova Holding”  51%

“Alfa Telecom” 49%

Nəticə olaraq “Turkcell İletişim”ə “Turkcell Holding”, “Turkcell Holding”ə isə “Çukurova Telecom Holdings” və “Telia Sonera Finland” nəzarət edir.  Dolayı paylar nəticəsində əslində “Turkcell İletişim”də ən böyük dolayı pay “Telia Sonera”ya aiddir. Digər dolayı səhmdarlar isə 13.81 faiz payla  “Çukurova Holding” və 13.22 faiz payla “Alfa Telecom”dur.

“TURKCELL”DƏ ŞİRKƏTLƏRİN DOLAYI PAY NİSBƏTLƏRİ

Telia Sonera Finland Oyj: 24.02 faiz

Çukurova Holdinq: 13.81 faiz

Alfa Telecom: 13.22 faiz

Xalqa Açıq (Digər): 48.95 faiz

“TELİA SONERA”NIN SƏHM SATIŞI “TURKCELL”İN  SƏHMDAR QURULUŞUNU DƏYİŞMƏYƏCƏK

Uzun sözün qısası, “Telia Sonera” tərəfindən satılan səhmlər 24.02 faiz dolayı səhmləri deyil, 48.95 faiz nisbətindəki xalqa açıq hissə içərisində olan “Telia Sonera” mülkiyyətindəki səhmləri əhatə edir. Bu səbəblə edilən səhm satışı, əslində “Turkcell”in yekun səhmdar quruluşunu çox da dəyişməyəcəkdir. “Telia Sonera” yenə “Turkcell”də ən böyük səhmdar olmağa davam edəcək. Hətta qalan 7.2%-lik xalqa açıq səhm də əlavə olunduqda əslində “Telia Sonera”nın “Turkcell”dəki birbaşa və dolayı cəmi payı 31.22 faiz olacaq.

© Marja

Oxşar yazılar

5 günə biznes qurmaq… – MÜSAHİBƏ

"İş Qurdu" layihəsinin növbəti qonağı "Ninja Kids Club"un təsisçisi Həvva xanım olub. https://www.youtube.com/watch?v=YxRFfsHEV-A&ab_channel=Maffinagency

“Evimi satıb işçilərin maaşını verdim” – MÜSAHİBƏ

"İş qurdu" komandası olaraq Şəki sakini "Qinyatogulları" arıçılıq təsərrüfatının sahibi Lətif Qinyətoğlunun qonağı olduq. Lətif bəy bizə arıçılıq biznesini...

Naxçıvanda yeni qeydiyyata alınmış hüquqi şəxslərin sayı 36 dəfə artıb

Bu ilin yanvar-mart aylarında Naxçıvan MR-da 1 441 yeni vergi ödəyicisi qeydiyyata alınıb. Bu barədə İqtisadiyyat Nazirliyi yanında Dövlət...

Azərbaycanda bu il mehmanxanalar 86.6 faiz istifadəsiz qalıb

2023-cü ilin yanvar-mart aylarında mehmanxana (hotel) və mehmanxana tipli obyektlərdə keçirilmiş gecələmələrin sayı 2022-ci ilin eyni dövrü ilə...