Keçmiş arvadı azərbaycanlı milyarderi ifşa edib

Date:

Paylaş:

Rusiyanın Azərbaycan əsilli milyarderi Fərhad Əhmədovun adı qalmaqallarda hallanmaqda davam edir.

“New York Times”a istinadən, ona xəyanət etmiş həyat yoldaşı Tatyana Əhmədovadan boşanan iş adamı prosesə görə Dubayda həbs edilmiş “Luna” yaxtasını geri almaq üçün şəriət məhkəməsinə müraciət edib.

Fərhad Əhmədovun vəkillərinin işi Britaniya məhkəməsindən Dubaydakı şəriət məhkəməsinə keçirmək istəmələri milyarderin keçmiş həyat yoldaşı Tatyananı qəzəbləndirib. O, buna görə ilk dəfə jurnalistlərtə açıqlama verib.

“Görünən odur ki, Fərhad əslən Azərbaycandan olduğu üçün müsəlmandır. Amma nikah müddətində heç vaxt onu dizini yerə qoyub namaz qılan, ibadət edən görməmişəm. Məscidə isə o yalnız turist kimi daxil olub”.

Tatyana Əhmədova 2016-cı ildə Fərhad Əhmədovdan London məhkəməsinin qərarı ilə boşanıb. Məhkəmə boşanmaya görə Fərhad Əhmədova keçmiş həyat yoldaşına rekord məbləğdə – 453 milyon funt sterlinq ödəməli olduğu haqda qərar vermişdi. Bu isə 1,4 milyard dollar sərvətə malik iş adamının varidatının 40%-ni təşkil edir.

Tatyana Əhmədova keçmiş ərinin ona bir qəpik də ödəmədiyini deyib.

“Mən əslində, səs-küysüz ayrılmağın tərəfdarı idim. Amma məhkəmənin qərarından asonra mənə 1 sent belə ödəmədiyi üçün mübarizəmi davam etdirirəm. Özümü müdafiə etməliyəm”-deyə Tatyana Əhmədova bildirib.

ABŞ mətbuatına müsahibə verən qadın azərbaycanlı milyarderlə keçirdiyi illəri sevgi ilə xatırlayıb.

“Onun əynində kostyum var idi. Mənə əsl centelmen təsiri bağışlamışdı”. Cütlük 1989-cu ildə Moskvada tanış olmuşdu. O zaman Fərhad Əhmədovun 34, Tatyana Əhmədovanın isə 17 yaşı var idi. Onlar 1993-cü ildə evlənmişdilər.

“Əvvəllər biz “Aeroflot”la uçurduq. Sonra British Airvays, bir qədər sonra isə sifarişli reyslərlə uçmağa davam etdik”-deyə Tatyana xatırlayıb. O, 50 milyon dollara şəxsi təyyarələrinin və 2 helikopterlərinin də olduğunu bildirib.

Tatyananın sözlərinə görə, ərinin sərvətinin artmaqda davam etməsinə baxmayaraq ailədaxilində qalmaqallar davam edirdi. 2003-cü ildə onlar ilk dəfə boşanmaq üçün müraciət etmişdilər.

2013-cü ildə isə Böyük Britaniya məhkəməsinə ayrılmaları üçün müraciət ünvanlamışdılar. Tatyana boşanmaya azərbaycanlı milyarderin özünü apara bilməməsinin səbəb olduğunu bildirib. Rus qadın Fərhad Əhmədovun nikahı xilas etmək üçün son cəhdi kimi “Luna” yaxtasını aldığını xatırlayıb. Amma bu da onları ayrılıqdan sığortalamayıb.

2016-cı ilin dekabrında London Məhkəməsi Fərhad Əhmədovu rekord məbləğdə cərimələyən zaman iş adamının vəkilləri onların hələ də 2000-ci ildə Moskva Məhkəməsinin qərarı ilə boşandıqlarını göstərən sənədi təqdim etmişdilər.

Əhmədov Tatyananın bir neçə kişi ilə eşq macərasını yaşadığını ona etiraf etməsindən sonra 2000-ci ilin avqustunda boşandıqlarını demişdi. Amma London məhkəməsi həmin qərarı saxta adlandırmışdı. Araşdırma və sübutlar Fərhad və Tatyana Əhmədova cütlüyünün 2013-cü ilə qədər Fransada bir evdə istirahət etmələrini, eyni yatağı bölüşmələrini və eyni bank hesabından istifadə etdiklərini müəyyənləşdirmişdi.

İş adamının vəkili Yan Monk isə biznesmenin sona qədər “Luna” yaxtası uğrunda mübarizə aparacağını deyib.

“O, “Luna”nın Dubay istisində yavaş-yavaş çürüməsini, Tatyanaya verilməsindən üstün tutar”-deyə açıqlama verib.

Fərhad Əhmədov mətbuata açıqlamalarında Böyük Britaniya Məhkəməsinin qərarını kağız parçası adlandırıb və sərvətinin 40%-ni həyat yoldaşına vermək niyyətində olmadığını söyləyib.

Keçmiş cütlüyün 2 oğul övladı var.

Oxşar yazılar

5 günə biznes qurmaq… – MÜSAHİBƏ

"İş Qurdu" layihəsinin növbəti qonağı "Ninja Kids Club"un təsisçisi Həvva xanım olub. https://www.youtube.com/watch?v=YxRFfsHEV-A&ab_channel=Maffinagency

“Evimi satıb işçilərin maaşını verdim” – MÜSAHİBƏ

"İş qurdu" komandası olaraq Şəki sakini "Qinyatogulları" arıçılıq təsərrüfatının sahibi Lətif Qinyətoğlunun qonağı olduq. Lətif bəy bizə arıçılıq biznesini...

Naxçıvanda yeni qeydiyyata alınmış hüquqi şəxslərin sayı 36 dəfə artıb

Bu ilin yanvar-mart aylarında Naxçıvan MR-da 1 441 yeni vergi ödəyicisi qeydiyyata alınıb. Bu barədə İqtisadiyyat Nazirliyi yanında Dövlət...

Azərbaycanda bu il mehmanxanalar 86.6 faiz istifadəsiz qalıb

2023-cü ilin yanvar-mart aylarında mehmanxana (hotel) və mehmanxana tipli obyektlərdə keçirilmiş gecələmələrin sayı 2022-ci ilin eyni dövrü ilə...