Kanadalı milyarder, “Apotex” korporasiyasının təsisçisi Barri Şerman həyat yoldaşı Hani ilə birgə Toronto şəhərindəki evində ölü tapılıb.
Oxu.Az-ın RİA Novosti-yə istinadən xəbərinə görə, Şerman və onun arvadının ölümünün səbəbi məlum deyil.
Şerman “Apotex” 1974-cü ildə təsis edib. Dərman preparatları istehsal edən şirkətin məhsulları 115-dən çox ölkəyə ixrac olunur. Bu ilin noyabrında “Canadian Business” jurnalı 75 yaşlı Barri Şermanı ölkənin ən varlı insanlarının siyahısına daxil edib.