Hobbisini biznesə çevirən azərbaycanlı

Date:

Paylaş:

Xaçmaz sakini Vüqar Fərzəliyev təsərrüfatında 200-dən çox dovşan saxlayır.

Fermer əvvəllər bu işə hobbi kimi yanaşsa da, sonradan bəslədiyi dovşanları artıraraq gəlir əldə etməyə başlayıb.

Məktəbdə gənclərin çağırışaqədərki hərbi hazırlığı fənni üzrə dərs deyən Vüqar Fərzəliyev iki ildir dovşan bəsləyir. Onun fermasında 10-a yaxın dovşan növü var ki, onların da əksəriyyətini xaricidən gətirərək çoxaltmağa nail olub. Təsərrüfatçı Yeni Zellandiyadan gətirilmiş ağ və qırmızı, rizel, Kaliforniya, vlandır kimi ətlik və damazlıq dovşan növlərinə üstünlük verir.

Təsərrüfatçı bildirib ki, dovşanların saxlanma şəraitinə xüsusi diqqət yetirmək lazımdır. Bu heyvanlar həm soyuğa, həm də istiyə həssasdır. Bundan başqa, heyvanların xəstəliklərə yoluxmasının qarşısını almaq üçün daim baytarlarla məsləhətləşmək vacibdir.

Dovşanlar ən artımlı heyvanlardan sayılır. Bu heyvanlar növündən asılı olaraq, hər dəfə 6-14 bala verir.

Təsərrüfatçının bölgə və paytaxtdan bir çox müştərisi var. Dovşan ətinin bir kiloqramı 8-10 manata satılır.

Dovşanların diri halda qiyməti çəkisindən və növündən asılı olaraq dəyişir. Kiçik dovşanlar 30 manat, böyüklər isə 80-200 manat arasında təklif olunur. Ən qiymətlisi yumşaq xəzli dovşanlar sayılır.

Vüqar Fərzəliyev gələcəkdə təsərrüfatını genişləndirərək daha çox gəlir əldə etmək fikrindədir.

Nəhəng dovşanlar böyüdüb cütünü 500 manata satan gənc

© Azərtac

Oxşar yazılar

5 günə biznes qurmaq… – MÜSAHİBƏ

"İş Qurdu" layihəsinin növbəti qonağı "Ninja Kids Club"un təsisçisi Həvva xanım olub. https://www.youtube.com/watch?v=YxRFfsHEV-A&ab_channel=Maffinagency

“Evimi satıb işçilərin maaşını verdim” – MÜSAHİBƏ

"İş qurdu" komandası olaraq Şəki sakini "Qinyatogulları" arıçılıq təsərrüfatının sahibi Lətif Qinyətoğlunun qonağı olduq. Lətif bəy bizə arıçılıq biznesini...

Naxçıvanda yeni qeydiyyata alınmış hüquqi şəxslərin sayı 36 dəfə artıb

Bu ilin yanvar-mart aylarında Naxçıvan MR-da 1 441 yeni vergi ödəyicisi qeydiyyata alınıb. Bu barədə İqtisadiyyat Nazirliyi yanında Dövlət...

Azərbaycanda bu il mehmanxanalar 86.6 faiz istifadəsiz qalıb

2023-cü ilin yanvar-mart aylarında mehmanxana (hotel) və mehmanxana tipli obyektlərdə keçirilmiş gecələmələrin sayı 2022-ci ilin eyni dövrü ilə...