Google təhlükəsizlik boşluqlarını tapan mütəxəssislərə 12 milyon dollar mükafat ödəyib

0
811

ABŞ texnologiya nəhəngi Google 2010-cu ildən təhlükəsizlik boşluqlarını tapan mütəxəssislərə 12 milyon dollardan çox mükafat ödəyib.

Xeberler.az xarici mediaya istinadən məlumat verir ki, şirkət yalnız keçən il təhlükəsizlik mütəxəssislərinə 3 milyon dollar ödəyib.

Son bir ildə 274 təhlükəsizlik və proqram təminatı mütəxəssisləri Google-un servislərində tapdıqları açıq üçün 2,9 milyon dollar mükafat alıb.

Ötən il Google Pixel mobil qurğularda təhlükəsizlik boşluğunu tapan bir mütəxəssis üçün 112,000 dollar ödəyib. Bununla da şirkət indiyə qədər ən yüksək mükafatını təqdim etmiş olub.