Əsas səhifə Biznes Dünyada bazar dəyəri 800 milyard dolları keçən ilk şirkət Apple oldu

Dünyada bazar dəyəri 800 milyard dolları keçən ilk şirkət Apple oldu

488
PAYLAŞ

ABŞ-ın texnologiya nəhəngi Apple-ın bazar dəyəri 800 milyard dolların üzərinə çıxaraq rekord qırıb.

Səhminin dəyəri bazar ertəsi günü 3%-dən çox artım qeyd edən Apple, dünya üzrə bazar dəyəri 800 milyard dolların üzərinə çıxan ilk şirkət olub.

Dünyanın ən böyük bazar dəyərinə malik Apple-ın səhminin qiyməti ötən cümə günü 148.96 dollardan bağlamasının ardından bazar ertəsi günü 3.2 faiz yüksələrək 153.70 dollara qədər qalxıb.

Beləliklə, bu gün bazar dəyəri 815.08 milyard dollar olan Apple, tarixdə bazar dəyəri 800 milyard dolların üzərinə çıxan ilk şirkət olub.

Apple-ın bu ilin ilk rübündəki gəliri, ötən ilin eyni dövrü ilə müqayisədə 4.5 faiz artaraq 52.9 milyard dollar olmuşdu. Şirkətin xalis mənfəəti də həmin dövrdə 4.8 faiz artaraq 11 milyard dollara qalxmışdı.

Apple, ABŞ şirkətləri arasında bu ilin yanvar-mart dövründə ən böyük xalis mənfəət əldə edən şirkət olmuşdu.

©Marja

PAYLAŞ