Əsas səhifə Şirkətlər “Dolce&Gabana” makaron biznesinə girir

“Dolce&Gabana” makaron biznesinə girir

48
PAYLAŞ

Aksessuar və geyimdə dünyanın ən böyüklərindən biri olan “Dolce & Gabbana”, İtalyanın iri makaron istehsalçısı “Pastificio di Martino” ilə əməkdaşlığa başlayır.

İtalyanın moda nəhəngi “Dolce & Gabbana”, makaron istehsalçısı “Pastificio di Martino” ilə əməkdaşlıq çərçivəsində məhdud sayda istehsal ediləcək makaron və mətbəx önlüyü istehsalına imza atacaq.

“Marja” xəbər verir ki, dünya miqyasında ilkin 5 min paket istehsal ediləcək makaronun min ədədi ABŞ-da bazara çıxarılacaq.

95 avro, yəni təxminən 190 manata olacaq makaron qutusunda 4 növ müxtəlif makaron (500 qramlıq 5 paket) və 1 də önlük yer alacaqdır. Qutuda 2 ədəd spagetti, 1 ədəd penne mezzani rigate (qələm makaron), 1 ədəd paccheri (boru makaron) və 1 ədəd mista corta (qarışıq) olacaqdır.

“Dolce & Gabbana”a makaronun necə istehsal edildiyinə qarışmayacaq. Ancaq qablaşdırmanın və önlüyün dizaynı “Dolce & Gabbana” tərəfindən veriləcək. .

Makaron, Nepal və Bolognadakı Di Martino mağazaları ilə bərabər, 15 Noyabrdan etibarən Nyu-Yorkda və Londonda satışa təqdim olunacaq.

“Pastifico di Martino”nun dördüncü nəsil makaron istehsalçısı və İcraçı direktoru Guiseppe di Martino, qərarın iki müstəqil İtalyan brendinin ilk dəfə birləşməsi olduğunu söyləyərək, iki illik müqavilə imzalandığını və bunun sadəcə bir başlanğıc olduğunu qeyd edib.

1912-ci ildən bu yana makaron istehsal edən “Di Martino”nun məhsulları Panama Kanalını keçən ilk makaron kimi tarixə düşüb. Şirkətin illik gəliri 163 milyon dollardan çoxdur. Neapolun Gragnano qəsəbəsində yerləçən şirkət, 125 müxtəlif çeşiddə gündəlik 9 min ton makaron istehsal edir.

PAYLAŞ